來佬餐館 (已結業)

睇到网上介绍话好掂，于是上星期去左试下。叫左一个一人晚餐 + 咖喱牛肋条 + 梳乎里松露汤正常既，个汤热热地，味道ok来佬汁驼鸟肉沙律呢，其实都正常，但完全食唔到咩来佬汁，啲肉有少少鞋口。不过跟餐既野，你懂的，算啦。主菜安格斯牛扒。我初头仲以为会系铁板，但原来系碟上，即刻有少少失望。虽然我花左1分钟影相，但唔知点解放入口系暖既，完全高兴唔到。。$300一块牛扒，唔热、牛味唔重，其实，店家可唔可以俾返少少心机补救下呢？原本叫左既系咖喱牛肋条，但上菜错左系咖喱海鲜。即刻问侍应，原来系厨房搞错。我心谂，块苏皮我都整开左，咁就算啦，废事浪费晒食物。食落，觉得海鲜做得几有水准，要赞既！但问题出向啲咖啡汁上面。我食完两三啖已经要饮一杯水，浓到苦，苦到我差啲无左味觉。其实系我有问题定厨房有问题？唉。。。全餐饭唯一最满意系甜品。梳乎里坚好食。埋单，收$500。其实无咩野好讲，小插曲系，原本我叫既酥皮牛肋条系贵过酥皮海鲜$30既，事后我check返，原来佢上错左又无帮我减返钱，照收我牛肋条既价钱。所以总括黎讲，试下无妨，但再食就no了。