百芳池上便當 (V City)

营业中

休息中

收工约老友食晚餐，佢推荐食呢间台式便当餐厅，话晒都好耐无食过台湾野，试下都好，行到门口都好多人卖外卖，店员都好忙，堂食都几多人，去到见到有位但又唔见店员安排坐位，见佢地都好忙所以都唔怪得咁多既。入去坐底位与位之间都算迫，睇下餐牌主要都真系台式便当风格，都系炸猪排鸡排，鸡腿同盐酥鸡之类。盐酥鸡肉燥热伴面，面偏腍，肉燥都系台式鲁肉果只半肥瘦，味道还可以，盐酥鸡粉几厚，无乜味，椒盐落得唔多够，几油腻。半筋半肉牛肉米粉，用返台湾新竹米粉，汤底少少辣，老友话唔错。叫卤水小食拼盘，有2只卤蛋，3只鸡翼同d猪手，猪手细旧骨多无乜肉食，鸡翼同卤蛋普通无咩特别。整体上一般般，价钱当然就比较贵，食台湾野可以有更多更好既选择。