Nunu燒 (已結業)

话请我食生日饭㖞，拣咗呢间静静地嘅餐厅。话晒都系星期六嘅中午时份。我哋系第一台客人，但坐都食完为止都好似唔见有其他客人。先食个生蚝，太重海水味，唔系我杯茶。都唔知本身只蚝鲜唔鲜甜。自从食过好小小既日本野，就觉得一定要食下前菜，淮山真系唔小得。好味！再加芥辣八爪鱼。叫左个串烧拼盘，唔太抵食，$288 五串！牛舌太薄，干干的！鸡肉串有鲜鸡蛋沾下还算不错！豚肉荔枝普普通通！鸡翼湿湿地，鸡皮脆！牛柳中规中矩！刺身拼盘$488，带子普通、鲜鱼比较多、虾鲜甜味美、海胆真的不错（店员有礼地话唔够紫菜可以问佢地添加）可惜附送嘅紫菜太软，我哋已经冇兴趣包紫菜食。中拖罗同大拖罗还不错，无根！鹅肝有两件，一件厚身一件薄身，厚身嘅非常好味，薄身嘅朋友食咗话干到爆。茄子煮法特别，本身无加调味，要自行加酱汁。最后有鸡软骨，好大份量，两个人食太油腻了。甜品始乎是这一餐既高潮！高水准自家制，不太甜！令我地要转移阵地去食甜品。