捌壹壹 (奶路臣街)

营业中

休息中

我一向都系辣妹子，无辣不欢，今日去咗旺角811食四川菜，过下口瘾。佢哋既必食冷锅酸菜鱼做到「麻.辣.鲜.香」，冷锅嘅意思系已经煮好，唔使再加热，避免鱼肉过熟。酸菜鱼汤底加入咗花椒籽同辣椒，汤底饮落去首先会有麻香味，后劲有辣味，吾会太油，而且饮完个汤吾会觉得口渴，仲有大量配料 - 酸菜、金菇、大豆芽、水晶宽粉，配料完全吸收晒汤嘅精华。佢哋用嘅酸菜系自家制，食落去爽口，水晶宽粉晶莹通透，烟靭Q弹。鱼肉超级鲜嫩，食得出系用新鲜生鱼，食到停唔到口😋酸菜鱼可以自由拣辣度，亦可以拣唔辣，今次要咗小辣，如果好食得辣嘅朋友可以点中辣。另外再叫咗两个小食 ，都系拣咗小辣- 尖椒皮蛋同埋麻辣海蜇，尖椒皮蛋系用黄金皮蛋，糖心蛋黄嘅部份粘牙软糯，没有涩口感，上面有少许尖椒片同生蒜蓉粒，夹埋一齐食都好味。第一次见到麻辣海蜇呢个配搭，爽口嘅海蜇吸收左麻辣汁好正。佢哋有好健康嘅饮品选择，可以解辣，我同朋友分别要咗杞子菊花蜜同埋蜂蜜雪梨茶，食完辣嘢润返喉咙。