黃金雞

营业中

休息中

咁岩去港岛尼头，特登揾间好食既餐厅。店铺细细地，但都坐到10人左右。当日食lunch，好多人买外卖，亦有几个人堂食。叫左黄金鸡饭($40)，五香猪髀饭($40)，黄金香茅鸡翼($38)。鸡饭黄到金，d颜色闪令令。一盒份量多，拎上手好重。每粒饭都沾满鸡油，变到金黄色。饭粒香口鸡味浓，但唔会油腻。鸡肉嫩口，鸡皮爽。红萝卜丝腌制后酸酸地，好开胃。猪髀肉饭一试难忘，猪髀肉好滑而且份量超多。猪髀肉连皮，就算食哂d皮，都唔会觉得济/腻，仲好有骨胶原添。猪髀肉煮成既卤汁配饭食一流。鸡翼炸完好香口，完全唔油，香茅味浓郁。咬开仲有肉汁流出黎添。整体，虽然系小店，但系食物质素高，端午节前个阵仲有粽子package可以买。