茶星人 (屯門市廣場) (已結業)

之前飲開美孚嗰間，質素好飄忽，有時好好飲有時好難飲，服務態度都有待改善...今日幫襯屯門店，店面貼咗好多勵志揮春，有啲香港加油嘅鎖匙扣寄賣，宜家屯門開左分店真係好方便，終於有一間就腳嘅黃店，個人十分之喜歡芝士奶蓋，呢間啲芝士奶蓋都OK,今次叫咗杯黑糖波吧厚芝奶（小） (熱） $33，因為仲咳緊所以飲熱飲，由於係黑糖飲品所以都唔建議小甜。黑糖加珍珠加芝士奶蓋溝埋個味有幾特別，鹹鹹甜甜咁有一種拖肥咁嘅味，珍珠有驚喜好彈牙有黑糖味唔錯。