德美壽司 (德民街)

营业中

休息中

FD话想食抵食日本嘢，咁一定要介绍哩间餐厅比佢。餐厅装修得好古香古色，仲有吧台位提供，好有日本feel。晚市提供多款套餐同埋散叫menu，性价比唔错。和风三文鱼沙律，沙律分量好大，有生菜，青瓜等多款配菜。三文鱼有五件，都几厚切，食落好肥美。日式酱汁比得好豪，每一啖沙律都裹晒酱汁，好清爽。烧牛舌，牛舌火候啱啱好，食落弹牙爽脆。少少盐调出牛舌香味，唔错。免治鸡肉棒同烧鱿鱼须，哩两款串烧用咗日式酱汁烤制，鸡肉棒Q弹可以食到粒粒肉碎，鱿鱼须搭配埋萝卜蓉好得意。煎鹅肝带子卷，寿司卷住鹅肝，上面铺咗带子同大量脆脆。食落鹅肝绵密同寿司饭好夹。脆脆增加咗口感。风味海鲜锅，配料劲丰富，有大虾，花蛤，鱿鱼，狮子狗等。大虾差唔多有巴掌大，食落鲜甜弹牙。下面仲铺满蔬菜同薯粉，蔬菜嗦晒海鲜汤底，食落更加鲜甜。