魚樂一番 (已結業)

今日难得收早，就喺黄埔附近揾食，见到呢间装修唔错，个名又几得意就嚟咗食。 原来系食花胶，正啊。而家冻冻地要润一润🤣🤣仲有外间充电借，唔洗惊电话冇电！我就叫咗c餐，花胶炖鸡锅面。 一嚟到已经闻到好香，用石锅上可以keep到个热度。汤底好足料，浓得嚟唔系得个咸字，唔错！最惊喜系真系有两大块花胶👍🏻👍🏻出面好多都系话花胶汤，但呢间真系有大大块比你见到🤣即刻觉得抵晒😂😂 饮品叫咗罗汉果茶，甜度适中，好饮又够晒养生，唔错！