十二味功夫 (已結業)

以前打正黄埔地铁站A出口嘅系功夫点心大概一年前见佢装修，我以为佢结业，点知原来系将舖位缩细一半，分咗一半比十二味功夫😮😮呢到同十二味烤鱼系同一集团，所以个menu好似样，都系简单易明同埋选择超多😱唔知佢同十二道锋味嘅chef lemon 有冇关系呢😂😂一入座已经feel到佢阵中国四川风，红灯笼🏮配上古色古香嘅装潢，好似返咗大陆咁😂😂因为我朋友唔太食鱼，所以就无试佢嘅招牌酸菜鱼，不过就嗌咗佢另一个必食之选口香锅😍朋友唔食辣，所以我哋拣咗秘制酱香锅，配料另计，鸡软骨$48、牛肉$48、莴笋$22、腐竹$22、宽粉$22，上碟时我地仲担心食唔食得晒😝结果太惹味我地两个人清晒！另嗌多咗个糖醋排骨，但其实系完全无骨的，超送饭😍高质小炒！甜品叫咗红糖糍粑，之前喺啲川菜舖试过就念念不忘！呢个好似麻糬咁嘅小食，佢系用糯米制，加咗啲熟嘅黄豆粉，用碟仔上咗啲红糖浆，食时比你蘸酱食，嗜甜兼爱烟韧口感人士如我，一定好钟意！