黃埔小廚 (已結業)

之前约咗个读书识嘅朋友，𠮶阵一齐玩Ocamp，一班人会去大排档度食饭。最近成日喺条街见到啲大学生玩Ocamp，谂返起以前ocamp嘅日子，所以我都叫咗呢个朋友同我一齐去黄埔小厨 @whampoakitchen_ 感受吓大排档风味。呢间餐厅主打粤式小菜，有好多款唔同嘅镬镬气小炒同埋佐酒小品嘅菜肴，我同我朋友嗌咗几款𩠌，另外再加两支啤酒啤啤佢。🍗怀旧芝麻鸡呢个系我同我朋友不约而同都想拣嘅𩠌，外皮上面铺满晒芝麻，而且炸到好脆口，入边啲鸡肉都好嫩滑，食过返寻味。想要个味浓啲可以点埋佢个芝麻酱。🥩铁板黑椒牛仔骨呢碟菜一放上枱就闻到好香嘅黑椒味，而且啲牛仔骨啱啱煎香，上枱嘅时候我仲听到佢哋铁板上有啲吱吱声。牛仔骨嘅肉完美咁索唒黑椒汁，肉质亦都好腍，送饭一流！🍍菠萝咕噜肉呢碟菜几乎系我去大排档必嗌嘅菜，酸甜嘅口味再配上香酥咕噜肉，啲肉质外脆内软，而且吸晒啲甜酸汁，好醒胃呀！😋椒盐百福豆腐粒粒豆腐都沾满晒椒盐嘅味道，而且炸得好香口，一粒豆腐，一啖酒，系佐酒之选至于酒个方面，朋友叫咗支「早晨」，我叫咗枝「够姜」，呢两支酒都系嚟自一个品牌 @hongkongwhistle 早晨，一打开支酒，就闻到好浓嘅麦