Niksen Koffie (已結業)

睇到黄埔开咗间好靓嘅咖啡，装修得好INS风，咁一定要试试。店铺好大一间，处处都系打卡位。宜家圣诞气氛好浓，推出咗多款圣诞限定嘢食，唔错。冻多明尼加60%朱古力，面头晒落大量朱古力粉，饮落一定要小心。60%朱古力浓度啱啱好，饮落朱古力好香滑，但唔会好甜，好饮。拿破仑辣肉肠炒虎虾仁伴多士，分量几多下，大大只虎虾仁有7-8只。酱汁偏酸辣，食落好似泰式口味，加埋多士一齐食好惹味。香煎带子紫苏叶明太子酱意粉，大大只刺身级带子有3只，带子煎到半熟，好似食刺身咁。紫苏叶酱汁好特别，酱汁味道好浓郁同埋好重紫苏香味，同意粉好夹。一日提拉米苏，摆盘好得意，好似大眼仔咁。提拉米苏上套落麻薯皮，比普通提拉米苏多一层Q弹口感，食落层次好丰富。原来哩间餐厅仲可以带埋宠物一齐食饭，隔离台带咗猫猫过来，下次都可以介绍埋有宠物D朋友过来试试！