火舞町 (已結業)

见到黄埔有新餐厅第一时间去试。今日冇订座，去到顺利有位，仲坐咗个好舒服嘅卡位添。先讲服务，全店都是较为年轻嘅店员，服务OK，有部份比较生手，不过也不错。唯一系全店员工包括铁板烧师傅都冇戴口罩，目前社会环境嚟讲有少少唔系好习惯。嘢食方面铁板牛舌同埋美国安格斯牛肉薄烧唔错。另外叫咗$98嘅圣子都相当大只、煮得好惹味。另外两款就麻麻哋 - 大阪烧唔系好似大阪烧。可以喺里面加炒面，但系唔系大阪𠮶只炒面有啲怪怪地，同埋有只煎蛋喺里面。另外一个较为唔抵嘅就系关东煮 - $22一个项目咁佢就写咗啲项目名，例如鱼蛋萝卜蒟蒻𠮶啲。咁我哋叫咗五样嘢谂住$22都有两片挂⋯⋯ 点知嚟到系$22一款，即系一片鱼蛋一旧细嘅萝卜 etc。𠮶碟嘢就$110⋯⋯ 得五旧仔嘢、又细碟、关东煮汤又冇味。呢样大家食客要留意啦。整体经验都唔错嘅，可以试吓。