泰妹餐廳 (已結業)

是日到黄埔揾食，放假想chill下relax d，就自不然想食泰菜，在香港开的泰国菜好多都系泰国人开质素颇高，上网睇呢间有4间分店，决定一试。泰式生虾$98个价钱就系贵在有个好靓既摆盘，生虾配蒜真系好夹，但我唔太喜欢呢个汁酱，对比传统泰式生虾酸辣汁差左d青柠汁同鱼露，唔够酸味。原个菠萝海鲜炒饭$98好大份好足料，暗藏非常多菠萝以及虾、鱿鱼等海鲜，可能海鲜始终会出水，炒饭非常湿身，本人比较唔喜欢，但相对会非常顶胃同饱肚。炭烧猪颈肉$68唔好睇佢细细碟，猪颈肉有2层，应该有20块，好抵食。