稻庭養助

营业中

休息中

呢间喺黄埔嘅餐厅开咗好耐，但系一直都冇黎试过，今日同朋友仔唔知食乜，就决定入去试吓！呢间餐厅装修好靓，外面系木门，里面嘅装修都好有格调，有一张长吧枱，好有居酒屋嘅感觉。我哋叫咗一个三色饭，一个蕃茄牛肉稻庭乌冬，一个牛舌小食。番茄稻庭乌冬🍅呢间餐厅主打到庭乌冬，所以我就带咗一份！先讲个汤底，蕃茄汤好浓郁，里面仲有一粒粒嘅蕃茄，到庭乌冬同我之前见到嘅乌冬有啲唔同，佢系比较幼身既，但系食落就好滑，好好味！三色饭🍚呢个三色饭食落都唔错，除咗沙律同有个汤之外，三个饭都几好味。第一个饭上面有吞拿鱼，条鱼都几新鲜，油脂都几多。第二个系牛扒，牛扒好多汁，有好嫩滑，第三个系吞拿鱼蓉，呢个算系中规中矩啦～冇咩记忆点，唔算十分好味但系都唔难食。牛舌👅呢个好有惊喜，牛舌外表煎到有少少脆身，里面就好弹牙，就算冇添加太多调味料都好好味！虽然价钱唔算十分平但系食物质素都不错，可以再去食！