紅磡串門子

营业中

休息中

同朋友经过黄埔，见到有间地道串烧，细细地不过都有几多不同种类。而家天气唔算热，坐落感觉都OK。除咗串烧，仲有开胃小菜，凉拌小菜，酸辣薯粉，麻辣锅等。串烧材料唔错，加上孜然粉好惹味。最钟意一口和牛粒，牛味浓，肉质厚身烧得啱啱好。墨鱼丸和烧鳗鱼都几好，皮脆肉嫩又厚肉，鱼皮油香味加上孜然粉配搭好正。烧青椒辣辣地好好味，叫咗两转！试咗几特别嘅烧鱼腐，正正方方鲜甜弹牙，口感都唔错。仲有唔少得嘅烧菠萝，又甜又多汁。最后加多一个重庆酸辣甜薯粉，够晒弹牙，小辣已经够。不过见佢外卖都几多，所以都等咗一阵。小店风味，有时间可以慢慢品尝。