Sweet Craft

营业中

休息中

Sweet craft唔系第一次试，之前去亲黄埔食嘢，之后都会黎呢度食个冰先走，今次亦唔例外，附近食完嘢就行过黎。之前食过焦糖同桃，今次就试佢新出嘅意啡冧酒。意啡冧酒个外型就同以前一样咁打卡able ，望落好似好浓郁会好重啡啡，但食落就好失望。成个冰嘅结构，中间系粉雪冰，面层有芝士奶盖、手指饼同两粒蛋糕波波。食落除咗食到芝士奶盖同粒湿湿地嘅蛋糕之外，个冰系完全冇味，好奇怪，明明以前食另外两只味都唔会咁。一食到中间啲冰就好无奈，好似真系食紧济冰咁。叫得呢个冰就好期待系有浓浓嘅啡再加小小冧酒嘅香，但呢个冰完全唔系咁。虽然58蚊又唔系贵，对比另外嘅冰屋平一大半，但钟意食冰嘅我，就宁愿食其他。