城意 (已結業)

今日同老公去咗黄埔食lunch ,喺百宝坊见到呢间餐厅餐牌午餐选择都几多,有荤有素食选择所以就入去试吓。午市套餐呢全部都包任食自助沙律吧、餐汤同埋饮品。自助沙律吧有六款选择，超级钟意食沙律菜嘅老公啱晒☺️ 六款里面呢我最钟意系红菜头，食落去好甜好清新。主菜我哋拣咗：💚黑皮鸡枞菌配温泉蛋咖喱葡国炖饭💚💛黑椒草饲牛扒配煎蛋配薯菜💛特别钟意个素食炖饭做得几好，个葡国汁好香，每一粒饭都满晒汁👍🏻牛扒都OK，特别钟意佢个㶶边太阳蛋😙餐饮我拣咗冻无糖茉莉绿茶绿茶，清清地几好饮。最后见到佢哋个甜品柜入面啲蛋糕其实都好吸引，如果跟套餐叫+$38都可以自选一款蛋糕或者马卡龙两件。不过我今次我哋已经饱所以冇特别再加甜品。