影片
更多
2023-08-06
362 浏览
江户寿司秀📍红磡民泰街53-73及73A-C号地舖黄埔日本菜愈开愈多间！最近发现原来以前板长位置有间omakase。所以我哋择咗日去品尝一下！好好彩当晚老板娘在场招呼周到，所以先知道原来店内所有同鱼相关嘅画，都系出自日本大阪名画家谷口先生嘅作品！最大型果幅画用咗10 年时间去画，每条鱼都运用咗一条真嘅鱼印落去再精细勾画番纹理，所以像真度特别高，亦都非常之精致！绝对系一间艺术氛围高嘅餐厅！餐牌Menu 大概有3个价位，分别系每位$880， $1280 同 $1580。价钱上嘅分别主要在于刺身食材同埋有冇日本生蚝食。🔅前菜杂菌凉拌菠菜 ，矶烧海螺 ，日本白粟米海螺质感柔嫩又弹牙！第一次食日本白粟米，唔好提佢白雪雪冇乜颜色，果种甜并非一般粟米嘅清甜！🔅刺身刺身部份最值得赞系摆盘非常精美！食材配搭都几新鲜，特别运用左比较多嘅海苔酱，对提鲜好有帮助！🔹间白鱼、拖罗蓉配新鲜海苔酸汁🔹松叶蟹冻配紫海胆🔹牡丹虾加凹贝 旁边有个甜度有8度嘅蕃茄，配埋米做淡雪盐！蕃茄加盐原来一啲都唔会奇怪，因为蕃茄甜度比较高，加咗少少盐，更加可以帮佢中和一下！配搭好新鲜！🔅生蚝独眼龙仙台生蚝，表面加咗酸汁，所以食落好开胃
📍红磡民泰街53-73及73A-C号地舖
黄埔日本菜愈开愈多间！最近发现原来以前板长位置有间omakase。所以我哋择咗日去品尝一下！
好好彩当晚老板娘在场招呼周到，所以先知道原来店内所有同鱼相关嘅画，都系出自日本大阪名画家谷口先生嘅作品！最大型果幅画用咗10 年时间去画，每条鱼都运用咗一条真嘅鱼印落去再精细勾画番纹理，所以像真度特别高，亦都非常之精致！绝对系一间艺术氛围高嘅餐厅！
餐牌Menu 大概有3个价位，分别系每位$880， $1280 同 $1580。价钱上嘅分别主要在于刺身食材同埋有冇日本生蚝食。🔅前菜
杂菌凉拌菠菜 ，矶烧海螺 ，日本白粟米
海螺质感柔嫩又弹牙！
第一次食日本白粟米，唔好提佢白雪雪冇乜颜色，果种甜并非一般粟米嘅清甜！
🔅刺身刺身部份最值得赞系摆盘非常精美！
食材配搭都几新鲜，特别运用左比较多嘅海苔酱，对提鲜好有帮助！
🔹间白鱼、拖罗蓉配新鲜海苔酸汁
🔹松叶蟹冻配紫海胆
🔹牡丹虾加凹贝
旁边有个甜度有8度嘅蕃茄，配埋米做淡雪盐！蕃茄加盐原来一啲都唔会奇怪，因为蕃茄甜度比较高，加咗少少盐，更加可以帮佢中和一下！配搭好新鲜！
🔅生蚝
独眼龙仙台生蚝，表面加咗酸汁，所以食落好开胃！
独眼龙本身肉质肥美，入口非常Creamy，甜味重！
师傅再自己整咗梅酒啫喱，同生蚝一齐食口感更加丰富！
🔅刺身食完生蚝之后，师傅为我哋送上一个好似生死恋嘅拖罗卷！
外面用咗黄豆做嘅豆纸，入边包住炙烧大拖罗中拖罗、山葵蓉/同埋紫苏叶！ 拖罗入口即溶，肥美甘香！完全系味觉嘅一大享受！
🔅茶碗蒸又热又细滑嘅茶碗蒸，中间食返啲热嘢好暖胃！
🔅烧物进入寿司还是之前最后嘅一个烧物。
呢度菜比较仪式感重少少，因为要做个烟熏效果，所以上菜时先为你打开玻璃盖。
苹果木烟熏金鲷配海胆酱，同埋京葱丝
🔅寿司🔹真鲷 - 油脂味香，加咗海苔更能提鲜
🔹纹甲鱿鱼 - 加咗七色芝麻 ，入口爽弹
🔹北海道帆立贝 - 师傅加咗经过自家煎炒间白鱼而成嘅鱼粉，充满咸香
🔹梭子鱼 - 落咗柚子皮 ，味道有微微辣
🔹左口鱼鱼身加裙边 - 个人最爱之选！第一次食双层左口鱼，油脂满满，after taste 好强！
🔹金目鲷 - 配搭咗日本蛋黄做的蛋黄醋，肉质嫩滑
🔹新鲜银鳕鱼 - 加咗明太子，味道甜甜，油脂丰富🔹紫海胆配矶之雪 - 海胆份量多又鲜，好满足！
🔅甜品静冈蜜瓜 + 绿茶奶冻黑豆
个人就非常之钟意个绿茶奶冻，因为做到绿茶味浓郁又甘甘地之余，亦都不失奶味！味道个平衡做得好好👍🏻
张贴
