Amber’s Table

营业中

休息中

之前排寿司郎而经过过嘅一间西餐，落到黄埔谂住揾间好坐啲嘅餐厅食饭，就决定试下佢。我哋两个唔算太饿，所以唔敢叫太多嘢食，喺门口见到佢放咗两个肉嘅promotion牌，就谂住嗌晒黎试，所以冇叫到其他意粉小食。一落完单就上咗两个餐前面包，望落应该系focaccia，暖暖哋几松软，另外有橄榄油同黑醋可以点嚟食。M5和牛西冷扒先嚟300g和牛西冷扒，我哋叫咗五成熟，扒嘅旁边有烤蒜头同埋少少拌菜，隔离有芥辣、烧汁同埋海盐。切开仲系好粉嫩，同埋有好多肉汁，牛味唔算好浓，肉质还好。烟熏加拿大猪鞍另外呢个烟熏肉promotion，有猪牛鸡可以拣，另外跟餐仲有薯条同饮品。我哋拣咗烟熏猪同冻咖啡。上枱嘅时候，有个小小铁板热住上。猪鞍已经预先切片，上面有香草牛油，店员建议先食猪嘅原味之后先再加牛油或者烟熏汁食。猪嘅份量比我想像中细。我哋叫咗七成熟，食落啱啱好唔会好柴，烟熏味系好香，但香草牛油就冇乜香草味，如果觉得唔够味，点烟熏酱嚟食仲好食。当晚餐厅都冇乜人，环境系几静几阔落，但有个好大嘅问题，成个场都好大油烟烟熏味。餐厅系小小开放式厨房，望到晒入边煎扒同整野食嘅过程，唔知系唔系因为我哋都算坐得近厨房，入面啲油