越之味 (德民街) (已結業)

我地两个人嗌左慢煮烧牛肉法包同蟹膏烧牛肉米卷。法包好快出餐，切成两等分，两人分享啱啱好。法包咬落外皮唔算脆，但胜在馅料层次丰富，有酸酸甜甜既腌白萝卜条，红萝卜丝，洋葱，生菜以及慢煮牛肉片。佢哋嘅腌白萝卜条非常爽口，甜味足得黎又唔会腻，配搭法包同埋牛肉岩岩好。如果法包外皮再脆小小会更加出色。蟹膏烧牛肉米卷好特别，平日好少食到蟹膏米纸卷。全部米卷上都有蟹膏酱做topping，蟹膏酱味道咸鲜，不过只得第一啖有酱既米纸卷先有味道， 净低嘅部分冇沾上酱汁，味道偏淡。不过睇在埋单86蚊份上，算系唔错。