影片
更多
2023-04-17
3155 浏览
📌 泓一拉面 - 红磡德民街29号德民大厦地下F4号舖🗓(16/4) 星期日 ⏰ 晚上6点左右 🌐网址: https://s.openrice.com/QrbS0gyI4W0~ueeoDBA 💈特式：每次行过都见到呢间拉面店大排长龙，一直都想试好耐，咁啱今次行过见到得4个人排，所以就即刻排埋一份，当时大约系5:40分，原来间舖晚市开6点，所以当时先唔系咁多人，但去到差唔多6点，门口已经排左差唔多20人，入到店先知原来餐厅只有8个吧枱坐位，唔怪得知一直都排长龙。🥩🍔🌭🌮🥗🥯🥘🍲🍝🍣🥟🍤🍱食物：餐厅主力卖拉面，种类亦唔多，只有6款不同汤底嘅拉面及1款沾面，而家等我同大家讲下🍜味道先。鸡白汤拉面 - 呢个系餐厅No.1推介，上台时见到个汤底真系好白，仲有好多泡沫，面底系幼直身拉面，配料有一只糖心蛋，两片叉烧，一片鸡肉，笋条/紫洋葱丝/葱花。首先个汤底都系好清好香浓，饮完亦唔会口干，全部清晒；面质适中亦挂到汤汁，不过我下次可能会要求个面底煮硬身少少，咁食到尾都仲可以食到面个质感多d。配料比较简单，但做得都唔错，尤其系只糖心蛋，味醂同酱油味足够，同埋唔会只留系表面，入面都仲食到有味。背脂酱
🗓(16/4) 星期日 ⏰ 晚上6点左右
🌐网址: https://s.openrice.com/QrbS0gyI4W0~ueeoDBA
💈特式：每次行过都见到呢间拉面店大排长龙，一直都想试好耐，咁啱今次行过见到得4个人排，所以就即刻排埋一份，当时大约系5:40分，原来间舖晚市开6点，所以当时先唔系咁多人，但去到差唔多6点，门口已经排左差唔多20人，入到店先知原来餐厅只有8个吧枱坐位，唔怪得知一直都排长龙。
🥩🍔🌭🌮🥗🥯🥘🍲🍝🍣🥟🍤🍱
食物：餐厅主力卖拉面，种类亦唔多，只有6款不同汤底嘅拉面及1款沾面，而家等我同大家讲下🍜味道先。
鸡白汤拉面 - 呢个系餐厅No.1推介，上台时见到个汤底真系好白，仲有好多泡沫，面底系幼直身拉面，配料有一只糖心蛋，两片叉烧，一片鸡肉，笋条/紫洋葱丝/葱花。
首先个汤底都系好清好香浓，饮完亦唔会口干，全部清晒；
面质适中亦挂到汤汁，不过我下次可能会要求个面底煮硬身少少，咁食到尾都仲可以食到面个质感多d。
配料比较简单，但做得都唔错，尤其系只糖心蛋，味醂同酱油味足够，同埋唔会只留系表面，入面都仲食到有味。
背脂酱油拉面 - 呢个除左汤底外，其他大致上一样，个汤底就系日式酱油底，但唔会太咸，表面有一层油脂，但饮落口亦唔会觉得有肥腻感，都系饮到清晒。
日式饺子 - 叫任何拉面款式都可以加$25蚊配一碟饺子，一碟有5只，味道都ok，但佢地系属终半煎半蒸嘅做法，所以唔会食到好脆口，但就比平时食到嘅煎饺子湿润d。
☕️🍵🥤🧋🍺🍷🥃🍹🧉🍾🍶🥛
饮品 : 饮品就无特别叫，但佢地都似日本拉面店有自助冰水提供。
🍽环境：餐厅环境无论格局/装修/布置/摆设都系类似日本地道拉面店咁样，8个坐位排排坐都系吧枱位，唔会话好舒适 ，但又不致于坐得唔舒服。
🤵🏻🤵🏻♀️🤵🏻♂️服务：店员服务态度都唔错，人落完order食物都好快到，另外餐厅有特登提供发圈系枱面比长头发嘅女士使用。
💰💸价钱：佢地嘅拉面就由$82~92蚊不等，我地叫左个两个拉面加埋一客饺子，埋单就$211，无加一收费。
🐲💬总结：食物质素系真心唔错，虽然无日本食到咁高质，但系香港食到呢个质素嘅拉面，价钱都合理，如果撞啱唔系好多人排队我应该会再帮衬。
推荐指数：❤️❤️❤️❤️❤️
鸡白汤拉面
$98
92 浏览
0 赞好
0 留言
糖心蛋
59 浏览
0 赞好
0 留言
背脂酱油拉面
$88
60 浏览
0 赞好
0 留言
日式饺子
$25
38 浏览
0 赞好
0 留言
张贴
