Boring?! (黃埔天地美食坊) (已結業)

得知《Boring？！》系黄埔天地美食坊开咗分店之后，一直都想揾时间去！前几日终于都去咗潮圣了，呢度嘅环境比新都会广场分店更 Grand 更大，而且食物选择更多元化及精致！我哋点咗一份二人Set Dinner 再加多一份BBQ烟熏水牛城鸡翼！个Set Dinner 有汤、多士、前菜、主菜同饮品！都已经非常之丰富！个黑松露野菌蟹肉焗蟹盖前菜真系超级正呀！食落蟹肉满满又够Creamy 仲好香黑松露味，劲想食多一个！哈哈！而主菜我哋就点咗皮脆肉嫩嘅猪手及肉质好滑嘅鲈鱼！饮品方面只系加$18仲可以转做Mocktail, 所以我哋就点咗 Silence Moon 同 Sour Fruit, 前者甜甜哋后者带微微酸，两杯都好啱女仔饮的！大食妹嘅我哋仲追加多一份水牛城鸡翼，味道惹味！正呀！我觉得呢度都几啱庆祝生日或者周年纪念日的！🥰❤️