陳茶館芋圓甜品專門店 (黃埔天地第3期百寶坊)

营业中

休息中

📍 陈茶馆芋圆甜品专门店 (黄埔)🗓️ 8 April 2023陈茶馆前身为「熹记甜品」，所以网上暂时未系好多陈茶馆嘅食评，因为系改咗新名～舖头细细间，装修有简约日式风格，入面枱唔算好多，所以经过几次门口都有人排队同埋等外卖，不过我认为真系值得去等嘅一间甜品舖。首先佢嘅餐牌真系好靓，系手绘嘅餐牌，画得好靓，而每一碗甜品写得好清楚有啲乜嘢材料方便大家选择。🍴 椰汁桃胶三宝 $48我认为呢一碗就可以满足想一次过试唔同嘢嘅人，一碗入边有齐芋圆、桃胶同小丸子。餐牌上亦都有椰汁雪燕三宝可以选择，视乎你钟意食桃胶定系雪燕。呢度嘅芋圆同小丸子都非常烟韧有咬口。🍴 木瓜桃胶鲜奶 $38呢款系非常滋润嘅甜品，桃胶木瓜鲜奶三种食材系一个非常和谐嘅配搭，呢度嘅木瓜非常甜同大大嚿，但又唔会煮得过淋，好有惊喜。因为有食过外面嘅木瓜，虽然有咬口，但系一啲都唔甜。所以我对呢度嘅木瓜非常满意。而且令我好惊喜嘅系成碗糖水唔会太甜，食到最后都唔会有腻感觉，非常推荐。但系唔知系咪同之前嘅疫情有关，呢度嘅碗同餐具都系即弃嘅。希望陈茶馆继续开多啲分店，可以多啲唔同嘅地方都食到啦。