誠拉麵 (已結業)

呢间喺黄埔既诚拉面真系要推荐一下。餐厅位于一间商埋既美食广场，最啱中意食日本野既朋友。我同我朋友分别拣左黑蒜油豚骨拉面同豚骨鱼介沾面。黑蒜油豚骨拉面既特色在于佢既汤底，豚骨拉面既汤饮落味道十足，而且又唔算好油腻。虽然呢间拉面店冇提供拉面既面身硬度俾我地拣，但系就拉面既硬度黎讲算系比较适中，就算大家偏好比较软身或者硬身既拉面硬度，面身既硬度都唔会偏离大家既预期太多，我觉得算系比较容易符合一般大众既口味。糖心蛋同埋叉烧系拉面店黎讲都可以排到中上水准。诚拉面既拉面套餐仲会送多款小款同汽水沙律，而且只需要再加多十几蚊，真系抵到烂！又平又好食既拉面舖下次梗系要再同其他朋友黎！