吉祥日本料理 (已結業)

呢排天气有啲热，无咩胃口，食寿司就最好，一啖一件！👘去到黄埔呢间日本料理，主打日本空运到港鱼生，除咗单点刺身、寿司、天妇罗、串烧，🍱套餐都有平有贵，定食最平一百蚊，贵嘅有厨师发办，丰俭由人。🤗今次叫咗中价位嘅特选寿司，$278自选12件，睇落都比较啱食！特选寿司整体上都几新鲜😋，上面嘅鱼生厚薄都OK，饭size都适中。🐟当中最中钟意吞拿鱼腩寿司，入口即溶，而北海道海胆军舰都鲜甜细滑，够肥美！🔥3款火炙寿司：三文鱼腩、帆立贝同左口鱼边都烧得刚好有少少焦香更易入口！平时少食嘅鲛鲽同真鲷都扫咗酱汁，甜甜香香有意外惊喜，前者油脂丰富，后者爽身有口感。另外，仲食咗三文鱼腩寿司、油甘鱼寿司、帆立贝寿司、蟹肉蟹膏军舰🦀同葱军吞拿鱼蓉军舰，每件都好食！🍶一次过食晒12件真系好饱饱！