嚐館 (已結業)

星期一系最唔想煮饭嘅日子，今晚又做无饭主妇，放工约埋阿仔近近地去屋企附近嘅黄大仙中心南馆揾野食，阿仔想食西餐，所以就去左UG楼层嘅Cityfresh Bistro，餐厅地方几阔落，坐位舒适。打开餐牌好多选择，中式同西式都有；如果叫餐就有埋餐汤同餐饮。餐汤 - 南瓜汤，上枱够热，而且好杰身，味道好浓郁，好香滑南瓜同忌廉味；侧边嘅餐包、外脆内软，唔错😋。🍴意式蕃茄汁焗咸牛脷饭，厚厚牛脷有5大块，钟意食牛脷嘅就真系睇倒都开心😃，上面铺上拉丝芝士；牛脷厚切好有口感，带上咸咸香香嘅底味，焗饭又热又挂汁，连餐汤餐饮$88，价钱非常贴地。🍴香煎鸡腿扒佐芥末籽汁配薯蓉，成个碟底都铺上薯蓉，好惊喜，薯蓉绵滑带香浓忌廉奶味，鸡扒好大件，鸡皮淋上芥末籽汁，所以冇咁香脆，但鸡肉非常嫩滑，沾埋薯蓉一齐食，两种唔同层次口感，爱吃薯蓉嘅朋友必选👍🏻，连餐汤餐饮$108呢个价钱真系冇得输。