影片
更多
2019-05-16
43 浏览
今日去咗黄大仙行街， 见到之前喺沙田食过嘅一间人气日本餐厅， 今次就试埋呢间分店， 有多张半边卡座位， 座位都几阔落舒适， 主餐牌记忆当中和沙田分店嘅大致上一样， 但餐厅有推出几款新嘅菜式。香芒熏鸭胸黑醋沙律熏鸭胸嘅味道适中， 唔会过咸， 芒果味道非常甜， 相信餐厅应该有拣个芒果嚟做沙律， 配沙律菜和黑醋汁感觉几清新。厚烧鳗鱼牛油果卷鳗鱼喺上菜前应该有用火枪烧过， 食到有焦香味， 鳗鱼嘅肉质和酱汁都合格， 烧鳗鱼和牛油果既味都几夹。电击鸡翼配炸薯条电击鸡翼点菜嘅时候都唔知系咩嚟， 到摆入口嘅时候先知道， 系冷盘嘅炸鸡翼， 鸡翼嘅味道酸酸甜甜， 虽然系冻食， 但仲食到鸡翼系好脆， 几特别。白咖哩乌冬咖哩乌冬上面铺咗一层忌廉， 忌廉令咖哩汁好creamy， 又唔会抢咗咖哩汁本身个味道， 乌冬几爽口弹牙。樱花虾鲷鱼汤泡饭首先石锅够晒热， 到我哋差唔多食完个饭嘅时候， 汤和饭都仲系好热， 汤系上菜时先倒落去， 个汤好浓鱼味， 樱花虾嘅咸香味， 令到汤饭嘅味道啱啱好， 虾和带子都几大只， 够鲜味。宇治抹茶芭菲最后就叫咗个甜品share， 个绿茶雪糕好creamy， 几重奶味， 绿茶味好浓， 配
香芒熏鸭胸黑醋沙律
熏鸭胸嘅味道适中， 唔会过咸， 芒果味道非常甜， 相信餐厅应该有拣个芒果嚟做沙律， 配沙律菜和黑醋汁感觉几清新。
厚烧鳗鱼牛油果卷
鳗鱼喺上菜前应该有用火枪烧过， 食到有焦香味， 鳗鱼嘅肉质和酱汁都合格， 烧鳗鱼和牛油果既味都几夹。
电击鸡翼配炸薯条
电击鸡翼点菜嘅时候都唔知系咩嚟， 到摆入口嘅时候先知道， 系冷盘嘅炸鸡翼， 鸡翼嘅味道酸酸甜甜， 虽然系冻食， 但仲食到鸡翼系好脆， 几特别。
白咖哩乌冬
咖哩乌冬上面铺咗一层忌廉， 忌廉令咖哩汁好creamy， 又唔会抢咗咖哩汁本身个味道， 乌冬几爽口弹牙。
樱花虾鲷鱼汤泡饭
首先石锅够晒热， 到我哋差唔多食完个饭嘅时候， 汤和饭都仲系好热， 汤系上菜时先倒落去， 个汤好浓鱼味， 樱花虾嘅咸香味， 令到汤饭嘅味道啱啱好， 虾和带子都几大只， 够鲜味。
宇治抹茶芭菲
最后就叫咗个甜品share， 个绿茶雪糕好creamy， 几重奶味， 绿茶味好浓， 配料有小丸子，蒟蒻等。
张贴
