泰 (已結業)

平时食泰国嘢都会去九龙城，但住黄大仙的朋友仔钟意去凤凰村附近的小店。小店装修都几雅致，员工态度亦几亲切。可惜人手看来不足，全晚只有一个员工负责招呼客人。一场黎到一定要食冬阴公火锅，用冬阴公来打边炉几够特色。或者系冬阴公要即制的关系，都等左一段时间先有饭开。但等待是值得的！汤底上枱香气扑鼻，而且配料亦好丰富。先尝一口冬阴公汤底，绝对唔俾传统的泰国餐厅逊色，酸中带辣，好惹味。我哋一直等待冬阴公汤底滚起，但店员提醒我哋，用呢个冬阴公打边炉系唔需要滚起的，佢哋建议用慢煮的方式煮食。虽然几新奇，但我哋都系将火较大少少比较安心。配料中的鸡肉好滑溜，而且牛肉有牛味，海鲜亦新鲜可口。配料吸收晒冬阴公汤底的精华，好美味。整体而言，用冬阴公做汤底打边炉的确有新意。而且佢哋冇加好多水，系浓郁的冬阴公汤。各款配料加落去之后，实在好好味。如果几个朋友仔，叹住啤酒慢慢烚下烚下，又或者做宵夜，确系唔错。