京都大酒樓

营业中

休息中

听人讲话京都酒楼几抵食，今晚一家人系附近就顺道试下。晚饭三宝 $338，有三款𩠌，都几抵！🥢京都小炒皇份量都唔少，有蒜芯，带嚼劲嘅鱿鱼，咸香虾干，虾仁，脆卜卜腰果，软嫩贝柱，味道调得啱啱好，唔会过咸，炒得好惹味，唔经唔觉就食晒。🥢蒜蓉粉丝蒸元贝4只元贝大大只，鲜嫩弹牙，鲜味十足，粉丝索哂蒜蓉汁，味道冇得输。🐷脆皮烧腩仔 份量都唔少，肉质半肥瘦，个皮唔会过晒气，食落仲好脆，唔错唔错👍🏼🐔飞天鸡$20一只，劲抵，即刻叫番只，七点半左右就卖晒喇🙈即叫即烤，热辣辣，皮脆肉滑，一路撕肉，啲鸡汁一路滴落嚟，令人食指大动。