侍元

营业中

休息中

黄大仙食日式拉面嘅地方好似唔多，呢间最近开嘅侍元可以为钟意食拉面嘅我提供多一个选择。今晚我第一次去，餐厅系自助形式，揾到位之后出去叫嘢食。每个食客都有自己一套即弃餐具，既方便又卫生。我叫咗黑武士东京风黑蒜油酱油汤拉面，拉面汤底味道浓厚，酱油味好重，食落去啖啖都充满黑蒜味。配料有流心蛋同粟米，仲有大块叉烧。流心蛋浸咗汤之后有小小酱油味，粟米就好够甜。拉面面身小小偏软。加钱叫咗个炸鸡翼，炸到外脆内嫩，仲好juicy ，食到舐舐脷。套餐仲有杯饮品，我叫咗柠檬茶。加埋70蚊左右，非常之抵食。