星怡

营业中

休息中

今日约咗朋友仔去试下黄大仙既星加坡菜，OpenRice 望落好似唔错，朋友喜欢食浓口味。海鲜酿油条油条炸到脆卜卜，中间似系酿虾胶，外脆内软好滋味。新加坡咖喱牛腩饭咖喱味好香浓，而且唔太辣，牛腩炆到好淋，配上软软既咖喱薯仔，好开胃又好𩠌饭。手抓饼用佢黎配食上面既咖哩汁好正，佢好香脆又酥软，份量大。干炒马来虾面好有镬气又劲多配料，除咗虾之外，仲有鱿鱼同埋加咗蛋等等去炒，味道浓郁，好有星马嘅味道。新加坡胡椒肉骨茶胡椒味好重，钟意浓胡椒味嘅朋友就啱晒，猪肉都好嫩口，好适合依家呢种凉凉地既天气去饮，饮完暖笠笠。