越一越南牛肉粉專門店 (已結業)

细个住系西贡，会成日去凤凰新村同凤德村陪妈妈行街市，今日放工后旧地重游，行翻去凤德公园怀缅一下，然后去左附近既越一餐厅食越南菜。星期一晚餐厅既电话响过不停，外卖一单接一单，久唔久亦会有熟客仔一坐低就讲句“照旧”，眼见呢一间餐厅应该系区内几有名气亦有回头客，而我试过后，都应该会成为回头客。🤩💖越南菜一定要试下火车头汤河，汤底清甜，牛肉肉质好好，份量超大，如果系胄口大既男士都应该够食。🥰另外嗌左碗蟹肉汤河，用上劲多既蟹肉碎同埋蕃茄，睇得同食得出厨师既心思，呢碗又系劲大碗，一个女仔有机会食唔哂呢。😆我地仲嗌左小食拼盘，一上桌，哗左一声，好大盘。😱😱😱店员呈上既时候配上一小碟酸甜酱，再配一个空碟话用来倒鱼露，好贴心。小食拼盘既鸡翼无得顶，超级入味，鸡翼上面加上炒香左既干蒜，配合店家既独门秘方，超级好味道。🤩春卷炸得好啱时间，配合生菜包加上酸甜酱，内里既磨菇丝菜丝，好野味。越式粉包一直系我既至爱，呢间餐厅系一客扎肉系上面，seasoning做得好正令人一口接一口。💖埋单三百几蚊，超值，会再来的。💖埋单时店员猛甘话招呼唔到，但其实佢已经好好招呼，每一度菜上桌都会讲解下，希望你地继续好生意，客似云来