農耕記 湖南土菜 (黃大仙中心北館)

营业中

休息中

内地好出名嘅连锁湖南菜原来喺黄大仙都有分店。我哋去食𠮶日好多人食，当中唔少都系订枱客。同埋真系好多人叫酸菜鱼！所有辣嘅菜式都有得加减辣度，我哋全部拣晒小辣，口味系几食到辣都接受到。佢哋嘅菜式仲有得拣少油。✨茶油土芹菜炒黄牛肉 $136见到餐牌上写住top1就叫嚟试下。黄牛肉唔算大块但系份量几多。土芹菜冇想像中咁浓，俾到少少香味又有清脆口感。✨油豆腐焖拆骨肉 $128豆腐卜吸晒汁几好食，咸咸地好啱𩠌饭。拆骨肉原来系走骨嘅排骨肉，口感爽弹，类似酒楼蒸排骨𠮶种。✨大碗花菜 $68成餐都钟意呢碟！椰菜花加埋虾干同猪油猪皮好香好邪恶。✨咸蛋黄烧卖 $39烧卖皮包住糯米同咸蛋黄。糯米嘅味道口感类似糯米卷嘅馅。咸蛋黄冇咩油同冇想像中咁咸。