想甜嚐甜 (已結業)

得闲就会嚟黄大仙呢间甜品食下～呢间糖水舖一眼望晒，门面好细，净系坐到几台人，夜晚经过成日都见到坐满人，今次难得唔使排队，就入去食下。呢间糖水舖最特别就系「花之水滴」，好似啲水玄信饼，卖相好吸引。叫咗个「荔枝玫瑰。水滴配乳酪雪糕」，粒水滴系荔枝味，入面有花，好精致，侧边啲伴碟都做得好细心，有饼碎、酱等等，捞埋去食都几夹。配乳酪雪糕，味道随机，每次都唔同，呢次系紫薯味，有紫薯甜味之余又带得出乳酪嘅味道。另外叫咗个杨枝甘露，味道都正路，同一般啲杨枝甘露差唔多，芒果够甜。整体来说，间糖水舖好有独特风格同多款式嘅甜品，一去黄大仙就会想食呢间。