金滿都越南餐廳 (已結業)

今日天气都好闷热，冇乜胃口食饭，想食啲有汤嘅粉面 ，咁我同家姐两个就走咗去食呢个越南粉，我呢就叫咗一个生熟牛肉汤檬，啲牛肉见到已经非常新鲜，食落非常软熟，生个边，见到啲肉汁不断流出嚟，见到都唔想浪费，即刻放佢落口，吞咗落肚，仍然有很多湿润的汁液在口腔内，跟住食熟牛，虽然佢系熟，但系煮得好嫩滑，火路啱啱好，轻轻一咬已经化开，唔需要有太多调味已经有浓浓的鲜甜牛肉味道，啲汤檬浸住啲牛肉上汤，美味无比，我家姐叫个个重犀利，火车头汤檬，材料众多，有生牛，熟牛，牛丸，牛柏叶 ，牛筋，整碗都满满的，生熟牛肉梗系好食唔使讲 ，佢连牛丸处理得弹牙味浓，牛柏叶又爽又脆，牛筋又林胶质丰富，全部材料浸在呢个咁浓味嘅牛肉汤里面，真系食到唔停得口，仲有佢将啲上汤浸制在时菜上，另一个普通嘅菜提升到另一个层次，最后我哋加配咗一个咸柑桔蜜茶，一个青柠菜蜜，当我哋食完呢两个味龙嘅汤檬，跟住饮咗呢个清甜蜜茶，简直非常配对，最后我哋都食埋甜品系一个榴梿西米露，钟意食榴梿嘅朋友唔可以错过，榴梿嘅香西米嘅弹牙，甜味适中 ，食完我哋都觉得非常满足。