Olive Cafe (已結業)

今个星期二, 屋企无饭开, 又唔想去太远地方用餐, 携眷去左屋企附近揾食.行到现祟山, 个商场好新, 而且又有好多食肆, 就入左去.正所谓近水楼台先得月, 门口已经有一间好有气氛既西餐厅, 就入左去试.一睇个餐牌,好多野都想试,但我地两老又食唔到好多, 所以只叫左三样野: 烟三文鱼凯撒沙律, 黑松露什菌天使面同德国猪手.个沙律都系果几样野:生菜,三文鱼,面包粒同沙律酱.貌似普通但味道口感好唔一样. 首先,d生菜上面无水珠残留,睇得出准备时果份心机.第二, 食果时除左沙律酱既甜酸味,仲有少少咸味,使到成个沙律整体上唔单调.第三,烟三文鱼唔会太咸,睇得出有落心机去采购.再离就到个德国猪手. 落单时可吩咐厨师帮你砌碎完再上碟. 呢个猪手最巴闭.食果时完全唔觉油腻,但又唔会太干,肥瘦度适中,唔太咸, 配黑椒汁可令猪手肉更惹味.最后是天使面. 个面用什菌,露笋,再配黑松露炒香. 每一柱面都有黑松露既香味,配合露笋一齐食口感更清新,而且唔腻,尼个菜系全晚最好食既,五星推介.呢个餐厅值得一试再试.