星怡

营业中

休息中

朋友喺黄大仙附近住，佢介绍咗一间星马泰餐厅星怡，呢日收工我就过去试下啦，餐厅装修好有格调，墙身画作是蔚蓝嘅海底世界，射灯映照下小鱼都栩栩如生， 彷佛真的一样，餐厅除咗室内有卡位，仲有可以坐喺室外嘅桌椅。打开餐牌，餐厅菜式非常齐全，有海鲜、海南鸡饭、肉骨茶、马来西亚小食等等，感觉好似去咗星马泰旅行一样。 鸡髀辣死你妈，椰浆饭大鸡髀刚刚炸好！ 鸡皮又香又辣，外皮粉浆非常薄，鸡肉肉质鲜嫩多汁，配上染成紫色带清香嘅椰浆饭 ，加上辣椒酱食起嚟好惹味，饭面仲铺咗一只太阳蛋。新加坡鲜虾喇沙面喇沙面嘅汤底已经非常浓郁，加上新鲜嘅大虾，豆卜，炸鱼片同埋嘅爽滑面条，既有咖哩辣味，又有淡淡虾子椰奶等嘅香味， 食落口感层次超丰富。咸蛋黄炸鱼皮鱼皮新鲜炸起好松脆，捞埋香喷喷嘅咸蛋黄酱，用嚟送酒一流。 我哋点咗班兰水晶球作为甜品，饮品方面我哋嗌咗椰青同埋芒果椰汁沙冰，沙冰唔会太甜好新爽。店员态度好友善，有耐性咁介绍唔同嘅菜式，得闲我会同朋友再去一次㗎。