新南苑雞煲小菜點心 (已結業)

去开竹园，夜妈妈揾个地方食嘢，新南苑又有小菜、又有点心、又有铁板餐，啱同行人士唔同口味，一于试吓。去到舖头门口，见到餐厅入面差唔多满座。等咗一阵，就有得入座。Menu冇唔同类型嘅选择，去到夜晚都仲有得饮茶食点心。二话不说，叫咗一笼红枣糕试下先～红枣糕上枱热辣辣，三层分明。上下两层好香红枣味，中间白色𠮶层则充满梛香甜味。其后就分别叫咗两个小菜，分别系水煮牛肉同埋麻辣鸭血煮海鲜。水煮牛肉几大盘，牛肉片放喺上面，下面放有大量芽菜、薯粉、木耳等配料索汤汁。至于麻辣鸭血煮海鲜，鸭血完整唔易散，大概有6至7块。而海鲜种类有蟹柳、鱿鱼、帆立贝、虾等食材，每样有啲😂除咗两个小菜，我哋好random地想试下铁板餐，叫咗黑椒汁鸡扒拼帆立贝😅 铁板喳喳声上枱，鸡扒大大块，鸡皮煎得有啲脆口，切落去鸡肉会有少少鸡油渗出。帆立贝有两只，比起刚才鸭血海鲜入面嘅帆立贝更爽口，配菜有薯条，而加5蚊就有两块新鲜出炉嘅牛油猪仔包！铁板餐额外送餐汤＋饮品，铁板餐七十几蚊，价钱算可以。