影片
更多
2022-03-05
1594 浏览
呢日放工喺黄大仙走，时间已经唔早😖，所以求其买啲嘢食返屋企。唔想帮衬连锁店，见有间叫「Cityfresh Bistro」嘅餐厅门口贴咗好多餐牌出嚟，款式好似几多，就试吓。外卖自取有9折优惠🥡，等候时间正常。食物选择包罗万有，包括有中式小菜、马来西亚喇沙、西餐意粉牛扒同韩式饭等等。烤肥牛肉辣泡菜煎蛋饭($78)，🇰🇷泡菜饭红卜卜，睇色水就知道够哂味，无错，佢嘅辣度同酸度都好显著，泡菜爽口，肥牛份量亦好慨慷👍，上面仲有只煎蛋添。泡菜饭份量比起白饭多起码1.5倍，男仔都未必食得晒，但饭质略嫌比较笠身🍚。霸王鸡($68/例牌)，小菜份量唔少，🐔鸡件大部份均连骨，但几入味，所以都OK。底部仲垫咗西兰花同椰菜花，配饭一流。蜜椒薯仔牛柳粒($68)，牛粒同薯粒同样唔错，🥩牛粒有咬口，🥔薯仔软稔，另外仲有三色椒。整体调味得宜，唔会甜得过份。饮品方面☕️，热奶茶味道几浓又几滑。总括嚟讲，呢间黄大仙街坊店提供环球菜式，总有一款啱你🌍。题外话，我亦留意到餐厅门口有好多面包同糕点卖，唔知系咪自家烘焙呢。
呢日放工喺黄大仙走，时间已经唔早😖，所以求其买啲嘢食返屋企。唔想帮衬连锁店，见有间叫「Cityfresh Bistro」嘅餐厅门口贴咗好多餐牌出嚟，款式好似几多，就试吓。
外卖自取有9折优惠🥡，等候时间正常。食物选择包罗万有，包括有中式小菜、马来西亚喇沙、西餐意粉牛扒同韩式饭等等。
烤肥牛肉辣泡菜煎蛋饭($78)，🇰🇷泡菜饭红卜卜，睇色水就知道够哂味，无错，佢嘅辣度同酸度都好显著，泡菜爽口，肥牛份量亦好慨慷👍，上面仲有只煎蛋添。泡菜饭份量比起白饭多起码1.5倍，男仔都未必食得晒，但饭质略嫌比较笠身🍚。
霸王鸡($68/例牌)，小菜份量唔少，🐔鸡件大部份均连骨，但几入味，所以都OK。底部仲垫咗西兰花同椰菜花，配饭一流。
蜜椒薯仔牛柳粒($68)，牛粒同薯粒同样唔错，🥩牛粒有咬口，🥔薯仔软稔，另外仲有三色椒。整体调味得宜，唔会甜得过份。
饮品方面☕️，热奶茶味道几浓又几滑。
总括嚟讲，呢间黄大仙街坊店提供环球菜式，总有一款啱你🌍。题外话，我亦留意到餐厅门口有好多面包同糕点卖，唔知系咪自家烘焙呢。
张贴
