新南苑雞煲小菜點心 (已結業)

见完客系黄大仙竹园村附近，见到一间小菜馆有齐晒鸡煲同小菜✨啱晒选择困难症嘅我👍🏻一入餐厅已经闻到鸡煲嘅味，即刻同朋友嗌返个，嗌咗小辣试吓。呢度嘅鸡煲只系$198，好抵食！ 鸡煲上枱超！级！香！原来仲有跟埋油炸鬼同生菜，好似食羊腩煲咁呀😆😆芫荽同芹菜嘅份量都好多，索晒啲汁好好味！眼利嘅朋友见到好多台都有叫煲仔饭，于是我哋叫咗黄鳝煲仔饭试吓🍲一上枱已经闻到属于煲仔饭嘅饭香，一打开仲惊喜，每一粒饭都沾满酱油，黄鳝嘅份量都好多，真系忍唔住一啖接着一啖咁食🤤食到最尾仲有饭焦！正到爆！食完呢餐劲满足✨性价比一流👍🏻下次一定要再嚟试吓佢嘅全日点心同酸菜鱼🐟