嚐糖

营业中

休息中

行过mk想揾d中式糖水，见到呢间黄店而又有卖紧，于是打算试下。一入到去，两个店员坐系度倾计/睇手机，眼尾望咗我同我女友一眼就继续坐系度，乜野都无讲。最后决定叫杨枝甘露同桑寄生莲子蛋茶，落order既时候，一位打扮前卫既女店员帮我地落，我唔知佢系天生无表情定我阻住佢睇电话，佢好似好唔情愿咁。当两碗糖水嚟到嘅时候， 我碗杨枝金露就普普通通， 而我女朋友玩桑寄生莲子蛋茶就真系太过份， 碗嘢稀度好似师姑尿咁， 成碗嘢冇茶味冇药材味得个甜字， 但卖紧廿几三十蚊。 好多黄店都话自己告急， 但我觉得告急系你哋自己申请， 店员连基本服务都冇中式糖水都做唔好， 老板如果你见到呢条comment我建议你去北角翠苑糖水试下，班阿姐虽然冇服务但煲啲糖水用脚煲都好饮过你哋， 趁疫情期间租金够平我都系劝你转行。唔系话自己黄店就大晒。