三多 (已結業)

星期六下午茶食三多，黎得三多，紧系要食招牌炸鸡肶啦。炸鸡肶有BB/小/中/大辣，我地就叫左小同中辣各一只，鸡肶上面有辣椒片，我觉得小辣刚刚好，中辣辣好多(我平时食开谭仔3小辣)。鸡肶肉质嫩滑，腌得好入味，外脆内软。中辣既辣椒片明显多过小辣好多，但唔好以为佢嘅辣系由辣椒片黎，我就咁食中辣嘅鸡肉(无连皮同辣椒片食)，都觉得辣。我地仲点左法兰三层西多士，入面一层系花生酱，一层系火腿。西多士炸得啱啱好，唔会好油。不过得一块火腿就太薄，炼奶同花生酱都盖过左佢，好似有无火腿都唔大分别。