Food Garden ETC (已結業)

D2PLACE 呢间黄店之前黎过一次，觉得唔错所以就再ENCORE，呢度食物质素算系唔错嘅，之不过可能人手真系唔系好够所以通常比较难揾到侍应招呼，呢个系少少扣分位。讲返食物先，呢度嘅Pizza系用上薄身嘅饼底，咬落非常香脆，成个pizza用料都好足，有大量嘅菠萝芝士同火腿。香蒜蚬肉意粉有别于平时食开嘅，通常蚬肉都会夹杂喺意粉中间，但呢度系蚬肉放晒喺意粉嘅下面，令蚬肉唔会咁易干，而且蚬肉份量系出奇地多又大只，味道新鲜同时肉质仲几爽口。香酥翠瓜茄子条炸得香脆。之前食唔到嘅炸鱿鱼圈今次终于食到外酥内脆好juicy，比起翠瓜茄子条更好食。