亞玉冰室 (已結業)

同朋友睇完太阳花之后来左冰室食，几好味😋 下午茶30几蚊到， 叫左西多士同芝士咸牛包，西多士好大件，呢种极肥美食通常都好好食，边够脆，整体唔干，牛油🧈够香，花生酱滑身，无得输！朋友的芝士咸牛我就普通，因为佢系用热狗包，我钟意三文治款多点，佢咸牛系够软够滑，但我钟意有少少一丝丝口感的咸牛多点，觉得佢呢款太软身无口感，芝士唔系拉丝而系芝士酱，味道无拉丝咁浓郁，胜在分量够大，整体我普通～红豆冰另加9蚊，超级超级大杯，只匙差唔多被淹没，红豆偏软身，分量多多，应该有加炼奶因为偏甜，唔错的～ 我见隔离台有奶茶底的红豆冰仲特别！有机会试下！坐得都几舒服😌