信得過 (已結業)

少去湾仔，一有机会过开去就揾下好野食，我对杏汁猪肺汤有要求，而且市面上都无咩餐厅会卖（因为功夫多），所以search到就点都去试下，而且系open rice有得订位，咁方便，就决定要去试下！朋友仔确实对内脏无咩兴趣，所以个汤试左几啖就放弃，不过我地都认为，杏味可以再重D，但当然考虑成本同功夫，而且太重又怕食客唔钟意，但对我钟情于热杏霜嘅人来讲，多⋯⋯⋯⋯确实无问题。而猪肺都煲到好林，洗得好干净，食落感觉有如棉花糖，果种软绵绵嘅口感好好！网上睇过个炸鱼皮要试，所以就叫黄金果只（因为同价钱），不过又事实，鱼皮真系打边炉先系最佳选择，斋食就有D⋯⋯，可能我地都七点半食，炸左成日，都明嘅。再上猪手，热辣辣，皮就煮到岩岩好时间，好有骨胶原，食落口有啫呢嘅口感，不过D肉就煮多左，有D实，食完会痴牙！我就叫左蝴蝶腩并黄沙猪润，真系戏玉，前者就一般，虽则menu话系，但其实同普通瘦肉无分别，只系多左D筋，就系个「蝴蝶」，所以浪费左我个肚嘅 quota，好彩黄沙猪润就无得顶，因为本人系好钟意食猪杂粥，所以都好时常食到不同店舖嘅猪润，要爽唔粉，弹牙但又要咬得开，唔腥，真系唔系好多粥店做到，就算打边炉都要计