sensory ZERO (One Island South ) (已結業)

朋友住南区个边，但又想坐底间cafe舒舒服服咁食个lunch，所以就决定试下Sensory Zero！首先交通真系超方便，一出地铁站过条马路已经到了！当日我地1点到，但因为场地较大，所以都唔洗等位。落单系自助形式，揾到位后就可以去counter 点野食，跟住再等叫号码去攞野食。因为都睇到食物份量较大，所以我地叫左个 慢煮鸡胸肉藜麦沙律 （$130），再加个 全日早餐（$128），但都食唔晒！先讲慢煮鸡胸肉藜麦沙律，块鸡胸肉真系好好味，都算juicy，但因为我地系share，再加上个人喜好，我地最后将鸡胸肉切成小片，再加埋沙律黎食。虽然睇落好似得好少肉，但其实几饱肚！然后朋友点嘅全日早餐（$128）真系好足料！个人黎讲我几钟意佢地嘅牛角包，因为牛油味都几香，而炒蛋算滑！但真系好多茄汁豆，我朋友食完个茄汁豆已经饱饱地，所以好彩我系嗌沙律！总括黎讲，食物质素都几好，环境舒适宽敞，都几适合同朋友周末过黎简单食个lunch，或者带埋电脑 / 书，做下自己野，都几写意。