Bread and Bistro (已結業)

收工嚟到黄竹坑既One Island South楼下食个日式西餐，除左Menu上既食物之外，亦有预先整好左既牛角包、panini、冬甩及muffin等，啱哂附近office既人朝早返工前买个快餐食。日式咖喱配流心芝士汉堡，温泉蛋汉堡扒既中间充满流心芝士，香味好浓郁，配埋甜咖喱同埋温泉蛋，味道够哂丰富。自家制黑松露酱野菌意粉蘑菇既份量非常多，几乎每一啖都会食到，仲带有淡淡既黑松露味道，好唔错。Tiramisu with Witch Fingers万圣节限定既甜品，见到卖相咁靓既甜品真系好开心！巫婆手指饼好抢fo，咬落既口感有啲似shortbread。Tiramisu方面，每一层既口感都好有惊喜，大大力推！招牌水果茶有热情果、香橙同埋青苹果，几钟意呢杯水果茶唔会太甜，又饮到红茶本身既涩味。士多啤梨雪糕沙冰士多啤梨味都几突出，个味又唔会太假，几冰冻creamy。