Ombra

营业中

休息中

终于去到最近最多人嘅新商场「𝚃𝚑𝚎 𝚂𝚘𝚞𝚝𝚑𝚜𝚒𝚍𝚎」寻宝😎 哩度比起平时嘅大商场多咗唔少特色商舖，种类都五花八门，有走亲子向，例如教育中心、兴趣班等，又有日常家品、特色潮流服装，真系可以行一日😆晏就黎到好多食肆已经大排长龙，黎到走中高档次嘅意大利餐厅「𝙾𝚖𝚋𝚛𝚊」，环境比教恬静，座位宽敞舒适👍🏻先黎餐前餐包配橄榄油同醋，味道中规中矩～ 《 𝙽𝚎𝚠𝚣𝚎𝚕𝚊𝚗𝚍 𝙻𝚊𝚖𝚋 𝚂𝚑𝚊𝚗𝚔 》 $188 4.5 / 5纽西兰小羔羊羊膝肉质嫩滑，经炆煮之后羊肉淡淡充满油脂香，而且酱汁调配比例刚刚好盖过羊嘅臊味，羊嘅油脂同酱汁渗落幼滑薯蓉味道更加系一流😋《 𝙿𝚊𝚙𝚙𝚊𝚛𝚍𝚎𝚕𝚕𝚎 𝙱𝚎𝚎𝚏 𝙲𝚑𝚎𝚎𝚔 𝚁𝚊𝚐𝚞 》 $168 3 / 5相比第一道菜，呢道牛面颊肉宽带面就略嫌逊色啦😬虽然食得出食材和调味料都系靓嘢，但由于肉嘅份量太少，酱汁调味太咸，所以整体评分都唔高，唯一抵赞系面条真系好有咬感《 𝙰𝚛𝚊𝚗𝚌𝚒𝚊𝚝𝚊 𝚁𝚘𝚜𝚜𝚘 》 $48 3 / 5颜色十分鲜艳嘅血橙梳打特饮，果味唔算突出，加工嘅甜味偏重，作为餐后饮品不过不失😃整体上菜快，卖相精致，不过味道只属不过不失，未必会再访😗—————