Insanity

营业中

休息中

呢间黄竹坑嘅隐世餐厅酒吧真系好有惊喜！一入到去，就见到喺天花度挂住一只船，好有艺术感！而小酒吧台就更加精致又好睇，真系好舒服嘅环境！仲有部电视播放住调酒嘅资讯！我哋拣咗尼泊尔鸡肉饺子Momo嚟食，真系好正！佢哋嘅外皮好薄好滑，内里有多汁嘅鸡肉，配埋特制嘅酱汁，味道更加出色！同我哋平时食开嘅中式饺子完全唔同风味！值得一试！我地仲叫左墨西哥芝士馅饼，同埋肉眼扒配薯条，都好好味！墨西哥芝士馅饼有浓郁嘅起司味，配上香脆嘅外皮，好满足！肉眼扒煎得恰到好处，肉质鲜嫩多汁，同薯条一齐食更加美味！既然黎到酒吧就要试下师傅特调鸡尾酒，真系好好味！佢哋嘅调酒师傅真系好有心机，每杯鸡尾酒都有独特嘅口感同风味！真系一种享受！餐厅嘅酒选择亦都好多，真系有啲眼花撩乱！