咖啡灣 (荃灣千色匯) (已結業)

疫情好似慢慢有缓和。大家都慢慢可以出去食饭，不过唔可以松懈。每次行过都好多人排队嘅黄店，今日见唔系好多人等，就决定排队试吓。🍴铁板芝士鸡扒汉堡鸡扒好juicy，带少少焦，鸡皮煎到好脆，配上半溶芝士，好惹味。汉堡除左有鸡扒，仲有烟肉，烟肉都系薄脆。生菜蕃茄唔少得，包皮们都有烘过，暖暖又松软。不错。配菜粗薯条好味，外脆内软，有茄汁嘅加持，好味。🍴黑毛猪柳片配蒜蓉蘑菇汁相反呢个饭就比较失色，蒜蓉味好重，有啲似茶餐厅快餐嘅感觉，饭又有点烂。跟餐有餐汤，饮品，忌廉蘑菇餐汤有啲稀。侍应服务态度几好，当中有人不小心打破玻璃杯，侍应第一时间关心周围客人有没有受伤，然后快速清理现场。